Frjálslyndir funda um stjórnarmynd

Miðstjórn Frjálslynda flokksins hefur verið boðuð til fundar á morgun laugardag í húsnæði flokksins við Skúlatún. Þar mun Guðjón Arnar Kristjánsson, formaður Frjálslynda flokksins, greina frá viðræðum um stjórnarmyndun og aðkomu flokksins að þeim, eins og segir í tilkynningu frá flokknum.

Viðræðunefndir Samfylkingar og Vinstri grænna funda nú í Alþingishúsinu um myndun minnihlutastjórnar.

Flokksstjórn Samfylkingarinnar hefur verið boðuð til fundar á NASA klukkan 16 í dag en hún þarf að samþykkja málefnasamning tilvonandi ríkisstjórnar og ráðherraskipan. Flokksstjórn Vinstri grænna veitti forystu flokksins umboð til að ljúka viðræðunum í fyrrakvöld. Þá er búist við að Framsóknarflokkurinn kalli miðstjórn sína saman með skömmum fyrirvara.