Innlent

Reginhneyksli verði hætt við hvalveiðarnar

Einar Kristinn Guðfinnsson.
Einar Kristinn Guðfinnsson.

Einar K. Guðfinnsson, starfandi sjávarútvegs- og landbúnaðarráðherra, telur að það væri reginhneyksli ef minnihlutastjórn Samfylkingar og Vinstri grænna ákveði að breyta ákvörðun hans em heimilar hvalveiðar. Þetta kom fram í fyrirspurnartíma fráfarandi ráðherra sjálfstæðismanna á fundi þeirra á Grand hótel í dag.

Minnihlutastjórnin myndi þannig ganga gegn vilja meirihluta Alþingis. Fyrir liggur að Sjálfstæðisflokkur og Framsóknarflokkur vilja heimila hvalveiðar, að mati Einars.

Mistök að stokka ekki upp í stjórninni

Þorgerður Katrín Gunnarsdóttir, varaformaður flokksins og starfandi menntamálaráðherra, sagði að það hafi verið mistök að gera ekki breytingar á ríkisstjórninni fyrir áramót. Skiljanalega hafi Geir H. Haarde, formaður flokksins, viljað taka tillit til veikinda Ingibjargar Sólrúnar Gísladóttur, formanns Samfylkingarinnar, og þar af leiðandi hafi breytingum á ráðherraskipan verið slegið á frest.


Tengdar fréttir

Geir: Stjórnarmyndun langt komin áður en Ingibjörg kom heim

Fullt er út úr dyrum á fundi sjálfstæðismanna á Grand hotel sem hófst klukkan eitt. Á fundinum fer Geir H. Haarde, formaður flokksins og fráfarandi forsætisráðherra yfir stöðuna og það „uppbyggingarstarf sem framundan er í íslensku þjóðfélagi,“ eins og sagði í tilkynningu frá flokknum. Í máli Geirs kom meðal annars fram að hann telji myndun nýrrar ríkisstjórnar hafa verið langt komna áður en Ingibjörg Sólrún Gísladóttir sneri heim frá Svíþjóð.

Mest lesið


Fleiri fréttir

Sjá meira


×

Mest lesið