Vel heppnuð tónleikaferð

Þungarokkssveitin Sólstafir er að ljúka mánaðarlangri tónleikaferð sinni um Evrópu, sem hefur gengið vonum framar. Þeir félagar hafa lent í ýmsum ævintýrum og meðal annars hittu þeir stúlku í Stuttgart í Þýskalandi sem var með nafn hljómsveitarinnar húðflúrað á handlegginn á sér.

Tónlistargagnrýnendur hafa hrifist af sveitinni og hafa einhverjir líkt henni við goðsagnirnar í Pink Floyd. Alls hafa Sólstafir spilað á tuttugu tónleikum í níu löndum Evrópu í samfloti með hljómsveitunum Code og Secrets of the Moon. Ferðinni lýkur í Finnlandi á föstudaginn og verður síðan haldið heim á leið 19. október.