Lífið

Helgi Seljan: Er ekkert að hætta

Helgi Seljan og unnusta hans Katrín Rut Bessadóttir ætla að flytja norður ásamt dóttur þeirra, sem verður 2 ára í desember.
Helgi Seljan og unnusta hans Katrín Rut Bessadóttir ætla að flytja norður ásamt dóttur þeirra, sem verður 2 ára í desember.

Sjónvarpsstjarnan Helgi Seljan birtist á forsíðu DV í gærdag. Vísir hringdi í Helga til að fá úr því skorið hvort hann væri endanlega búinn að fá nóg af Kastljósi.

„Mig langaði bara að flytja úr bænum," svarar Helgi og heldur áfram:

„Það vantaði fréttamann hjá svæðisútvarpinu. Ég ætla að vinna þar í eitt ár. Fer bara í ársleyfi."

„Ég verð að vinna áfram fyrir Kastljósið fyrir norðan," segir Helgi.
„Ég er ekkert hættur enda langar mig ekkert að hætta. Vil bara breyta aðeins til og fyrst þetta bauðst þá var ég tilbúinn í það. Ég er ekkert að fara út á land til að hvíla mig heldur til að læra að tala almennilega íslensku," segir Helgi.

Eruð þið búin að finna hentugt húsnæði á Akureyri? „Nei, við erum að leita að því. Okkur er svosum alveg sama hvar við búum. Við erum ekki bundin af því að búa á Glerártorgi. Býr annars einhver þar?" segir Helgi áður en kvatt er.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.