Innlent

Óttast að eldur hefði komið upp í Málmey

Slökkvilið var kallað að höfninni á Sauðárkróki á níunda tímanum þegar grunur lék á að kviknað hefði í togaranum Málmey.

Samkvæmt upplýsingum sem fréttastofa hefur frá ritstjóra héraðsfréttablaðsins Feykis var þó ekki um eld að ræða heldur kom mikill hiti í málm í skipinu þegar verið var að gera við það. Þetta olli því að mikill reykur hlaust af. Engan sakaði.

Á vefsíðu Fisk Seafood kemur fram að Málmey er 2ja þilfara frystitogari með heimahöfn á Sauðárkróki. Skipið var smíðað í Flekkefjord í Noregi árið 1987.



Mest lesið


Fleiri fréttir

Sjá meira


×

Mest lesið