Ný stjórn FME skipuð í vikunni

Gylfi Magnússon viðskiptaráðherra segist eiga von á því að ný stjórn Fjármálaeftirlitsins verði skipuð í vikunni. Á blaðamannafundi sem Gylfi hélt í ráðuneytinu kom fram að þótt stofnunin sé starfhæf eins og er sé ekki í lagi að hafa núverandi ástand til langframa. Hann segist ekki boða breytingar á lögum um stofnunina.

Á fundinum var Gylfi einnig spurður út í mögulega sameiningu FME og Seðlabankans, eins og Geir H. Haarde fyrrverandi forsætisráðherra hefur reifað. Að mati Gylfa eru kostir og gallar við þá hugmynd, það sem mestu máli skipti sé að samstarfið á milli stofnanana og hugarfar þeirra sem þar eru í forsvari.