Hindrunum rutt úr vegi

„Þetta er ágætis árangur á 80 dögum," segir Árni Páll Árnason, þingmaður Samfylkingarinnar, um stefnu nýrrar ríkisstjórnar um Evrópusambandið. „Við höfum rutt úr vegi erfiðri hindrun í átt að fullri aðild," segir hann og vísar til sáttar um stjórnarskrárbreytingar sem þarf að fara í áður en aðild að Evrópusambandinu væri samþykkt.

„Best væri að sækja um aðild strax, en við sættum okkur við að lengra verði ekki komist í aðdraganda kosninga."

Árni Páll segir að ekki hafi verið rætt um þjóðaratkvæðagreiðslu um aðild í stjórnarmyndunarviðræðunum við Vinstri græna. - ss