Nýr ráðuneytisstjóri í félagsmálaráðuneytið

Hanna Sigríður Gunnsteinsdóttir verið sett ráðuneytisstjóri í félags- og tryggingamálaráðuneytinu eftir að Jóhanna Sigurðardóttir, forsætisráðherra, setti Ragnhildi Arnljótsdóttur í embætti ráðuneytisstjóra í forsætisráðuneytinu til 30. apríl næstkomandi.

Hanna Sigríður hefur verið skrifstofustjóri jafnréttis- og vinnumálasviðs félags- og tryggingamálaráðuneytisins frá því í september 2004 en hafði áður starfað sem lögfræðingur í ráðuneytinu.

Hanna Sigríður er fædd 22. september 1971. Hún útskrifaðist sem lögfræðingur frá lagadeild Háskóla Íslands árið 2000 en hafði áður lokið B.A.-prófi í sálarfræði frá sama skóla árið 1998.

Hanna Sigríður er í sambúð með Ólafi Erni Svanssyni hæstaréttarlögmanni og eiga þau tvö börn.