Yfirmönnum klínískra sviða Landspítala fækkar úr 23 í 6

Landspítalinn auglýsir eftir sex framkvæmdastjórum um helgina samkvæmt nýju skipuriti spítalans sem tekur gildi að fullu fyrsta júní 2009. Samkvæmt nýja skipuritinu verður klínískum sviðum á Landspítala fækka úr 12 í 6.

Tveir sviðsstjórar stýra nú flestum klínísku sviðanna á Landspítala, sviðsstjóri hjúkrunar og sviðsstjóri lækninga. Alls eru sviðsstjórar klínísku sviðanna 23 talsins og hafa þeir til þessa verið valdir til þeirra starfa. Nýjum klínískum sviðum stjórna hins vegar framkvæmdastjórar sem verða ráðnir til 5 ára í senn.

Ný störf verða auglýst í Fréttablaðinu og Morgunblaðinu samkvæmt tilkynningu frá spítalanum.