Bauðst að tala en gerði ekki

Kristinn H. Gunnarsson, þingmaður Frjálslynda flokksins, var ekki meðal ræðumanna flokksins í umræðunum um efnahagsmál í gær. Í umræðunum, sem skiptust í fjórar umferðir, talaði Guðjón A. Kristjánsson formaður í tvígang.

Kristinn segir að sér hafi boðist að tala en hann afráðið að gera það ekki. Hann vill ekki segja af hvaða ástæðu.

Spurður hvort hann sé á leið úr þingflokki Frjálslyndra kveðst Kristinn ekkert vilja um það segja. „En ég tel að það þurfi að verða miklar breytingar á áherslum og forystu flokksins."- bþs