Ancelotti ætlar ekki að víkja fyrir Mourinho

Enskir fjölmiðlar hafa farið mikinn eftir að Jose Mourinho lýsti því yfir að hann ætlaði sér að stýra liði á Englandi á nýjan leik.

Mourinho naut mikillar velgengni hjá Chelsea allt þar til honum var ýtt út í september árið 2007.

Fjölmiðlar hafa eðlilega þegar orðað hann við sitt gamla félag en núverandi stjóri, Carlo Ancelotti, hefur ekki í hyggju að stíga upp fyrir Portúgalanum.

„Hann verður að bíða eitthvað eftir þessu starfi því ég er stjórinn og ekki á förum," sagði Ancelotti.

„Ég lít á það þannig að hann er þjálfari Inter þannig að ég er ekki í neinni keppni við hann um starfið. Það kemur mér samt ekkert á óvart að hann vilji koma aftur til Englands."