Norskur skipakóngur vill leita að olíu á Drekasvæðinu

Það var norska fyrirtækið Aker Exploration sem átti hitt tilboðið í olíuleit á Drekasvæðinu en tilboðin voru opnuð klukkan 14:00 hjá Orkustofnun. Tvö tilboð bárust en hitt tilboðið á einnig norskt félag, Sagex Petrolium, sem reyndar er að fimmtungi í eigu Íslendinga. Þeir sendu inn tilboð í samtarfi við íslenskt félag, Lindir Petrolium.

Aker er tiltölulega nýstofnað félag en það var stofnað árið 2006. Félagið sérhæfir sig í olíuleit en aðaleigandi og stjórnarfomaður þess er Kjell Inge Rökke, sem er þekktur skipakóngur. Hann er númer 468 á lista Forbes yfir ríkustu einstaklinga veraldar.

Drekasvæðinu var skipt upp í yfir 100 reiti sem boðnir voru út og gátu aðilar sótt um tvo reiti hver, sem ná að hámarki yfir 800 ferkílómetra samtals.

Orkustofnun hefur nú frest fram í október til að úthluta sérleyfunum. Byrjað verður á því að úthluta rannsóknarleyfi til allt að tólf ára með möguleika á framlengingu um fjögur ár en síðan vinnsluleyfi til allt að þrjátíu ára. Það veður því í haust sem sérleyfum verður úthlutað til allt að 46 ára.