Eminem fékk boruna á Bruno viljandi í andlitið

Eminem kveðst vera mjög ánægður með hvernig til tókst hjá þeim félögum og hann fullyrðir að það hafi heppnast mun betur en á æfingum.

Sacha sem er hvað þekktastur fyrir að túlka hinn klikkaða Borat var í líki tískulöggunnar Bruno á tónlistarhátíðinni. Sá karakter hefur ekki síður slegið í gegn en hann kom fljúgandi inn í salinn til þess að kynna ein verðlaunin.

Rapparinn var í áhorfendaskaranum þegar samkynhneigða tískulöggan kom fljúgandi yfir áhorfendaskarann. Þegar hann var beint fyrir ofan Eminem féll hann niður og lenti með rassinn beint framan í rapparann.

Eminem var lítið skemmt og félagar hans fleygðu Bruno af honum. Strax í kjölfarið rauk Eminem út af hátíðinni í fússi.