Vonskuveður víða um land

Það er vonskuveður víða um land og því víða slæm færð, samkvæmt upplýsingum frá Vegagerðinni. Það er hálka og skafrenningur á Hellisheiði og í Þrengslum líkt og víða um Suðurland. Á Vesturlandi er ófært yfir Bröttubrekku. Hálka og éljagangur er á Holtavörðuheiði. Þungfært er á Skógarströndinni. Hálka og éljagangur er á öllum aðalleiðum.

Á Vestfjörðum er ófært um Eyrarfjall. Hálka og skafrenningur er á flestum öðrum leiðum. Á Norðurlandi er hálka og skafrenningur þó eru hálkublettir og skafrenningur á nokkrum leiðum. Hálka og skafrenningur eru á Mývatns- og Möðrudalsöræfum.

Á Austurlandi er veður enn slæmt. Ófært er yfir Fjarðarheiði, Fagradal og Oddsskarð og ekki séð fram á að hægt verði að opna þar í dag. Á Suðausturlandi er hálka og skafrenningur en er mjög miklar kviður við Lómagnúp og undir Eyjafjöllim.

Vegagerðin vekur athygli á að vegir eru víðast hvar ekki mokaðir seint á kvöldin eða yfir nóttina og því ætti fólk að varast að vera á ferð á vegum úti eftir að þjónustu lýkur nema útlit sé fyrir mjög gott veður.