Meintur höfuðpaur í verksmiðjumáli afplánaði aðeins fjórðung dóms

Grunaður höfuðpaur í fíkniefnaverksmiðjunni í Hafnarfirði var frjáls maður einu og hálfu ári eftir að Hæstiréttur dæmdi hann í sex ára fangelsi. Föðursystir hans vann hjá Fangelsismálastofnun og er sögð hafa beitt sér í hans þágu.

Tindur Jónsson réðst með sveðju á ungan dreng í Garðabæ í október 2005. Hann sat í gæsluvarðhaldi allt þar til Hæstiréttur hafði lokið við að fjalla um mál hans en rétturinn dæmdi Tind í sex ára fangelsi.

Sama dag var Tindur fluttur í lágmarksöryggisfangelsið að Kvíabryggju. Þetta þykir afar óvenjulegt enda fá fangar með jafnalvarlega dóma á bakinu ekki að fara á Kvíabryggju nema eftir að hafa sýnt sérstaklega góða hegðun í öryggisfangelsinu að Litla-Hrauni.

Tindur var minna en eitt ár á Kvíbryggju. Eftir að hann hafði þar lokið stúdentsprófi fékk hann sérstakt leyfi til þess að flytja á áfangaheimilið Vernd í Reykavík og hefja nám í efnafræði.

Heimildarmenn fréttastofu sem þekkja til í fangelsismálum segja algjört einsdæmi að maður með með svo þungan dóm á bakinu fá jafn ríflegar ívilnanir.

Tindur eyddi síðasta vetri og síðasta sumri á Vernd en í samræmi við þau liðlegheit sem fangelismálayfirvöld höfðu sýnt honum fram að þessu var honum veitt reynslulausn í september síðastliðnum. Aðeins einu og hálfu ári eftir dæmdi hann í sex ára fangelsi fyrir árás sem hæglega hefði getað orðið fórnarlambi hans að bana.

Fyrir þá sem börðust fyrir því að rétt væri að senda afbrotamann jafn skjótt aftur út í lífið og í tillfelli Tinds þá reyndist það þeim áfall þegar hann var handtekinn minna en mánuði eftir að hafa fengið frelsið aftur. Þá grunaður um að hafa nýtt sér efnafræðimenntun sem hann sótti sér á meðan hann afplánaði refsivistina til þess að setja á laggirnar eina af fullkomnustu dópverksmiðjum Evrópu.

Ein af þeim sem sögð er hafa barist fyrir því að Tindur fengi að fljúga jafn fljótt í gegnum kerfið og Tindur er föðursystir hans. Allar meiriháttar ákvarðanir um refisvist Tinds voru teknar á meðan hún starfaði sem sérfræðingur hjá Fangelsismálastofnun. Heimildarmenn fréttastofu segja að aðkoma föðursystur Tinds að málefnum litla frænda sína hafi valdið titringi hjá öðru starfsfólki Fangelsismálastofnunar. Föðursystirin er þar ekki lengur starfsmaður.