Innlent

Hverfisgötufantar játa

Lögreglustöðin við Hverfisgötu.
Lögreglustöðin við Hverfisgötu.

Fjórir karlmenn á þrítugsaldri sem grunaðir voru um að hafa ruðst inn í hús við Hverfisgötu með bareflum á laugardagskvöldið og börðu fjóra menn sem þar búa hafa játað árásina. Þetta staðfesti Sigurbjörn Víðir Eggertsson, aðstoðaryfirlögregluþjónn í Reykjavík, í samtali við Vísi.

Lögreglan á höfuðborgarsvæðinu sleppti þremur þeirra í dag en þeir voru handteknir í gær. Fjórða manninum sem var handtekinn á sunnudaginn var sleppt í gær líkt og Vísir greindi frá.

Bæði árásarmennirnir og þeir sem ráðist var á eru af erlendu bergi brotnir og telur lögreglan að þeir þekkist að einhverju leyti.

Tveir íbúanna voru fluttir á slysadeild með höfuðáverka.








Tengdar fréttir

Alvarleg árás á Hverfisgötu

Fjórir grímuklæddir menn ruddust inn í hús á Hverfisgötu um tíuleytið í gærkvöld og réðust með bareflum á fjóra íbúa sem þar voru inni.

Þrír af árásarmönnunum á Hverfisgötu handteknir

Lögreglan handtók fyrir skömmu þrjá af fjórum árásármönnum sem ruddust inn í hús við Hverfisgötu með bareflum á laugardagskvöldið og börðu fjóra menn sem þar búa. Tveir íbúanna voru fluttir á slysadeild með höfuðáverka.

Einn af árásarmönnunum á Hverfisgötu handtekinn

Lögreglan hefur handtekið einn af fjórmenningunum sem ruddust inn í hús við Hverfisgötu með bareflum klukkan tíu í gærkvöld og börðu fjóra menn. Tveir íbúanna voru fluttir á slysadeild með höfuðáverka.

Mest lesið


Fleiri fréttir

Sjá meira


×

Mest lesið