Búið að finna eiganda hvolpsins

Lögreglan á suðurnesjum er búin að finna eiganda hvolpsins sem fannst í hrauni við Kúagerði skammt frá veginum þar sem keyrt er að Keili. Málið verður rannsakað enn frekar. Dýralæknir sem annaðist hvolpinn segir hann á góðum batavegi og muni jafna sig að fullu.

Hvolpurinn sem grafinn var lifandi fannst af fólki sem var að viðra hundana sína á svæðinu. Í kjölfarið hóf lögreglan leit að eiganda hundsins og bárust fjölmargar vísbendingar í kjölfar frétta af málinu.

Þakkar lögreglan fyrir þær upplýsingar sem hafa borist og segir fjölmarga hafa hringt. Málið verður rannsakað frekar.