Rúmlega 40 myndaðir við hraðakstur í Grafarvogi

Fjörtíu og fjórir ökumenn geta átt von á sektum eftir að þeir voru myndaðir við hraðakstur í Grafarvogi í dag og gær.

Þrír þeirra óku of hratt á Gagnvegi í dag en á einni klukkustund fyrir hádegi fóru 56 ökutæki um veginn í vesturátt. Fimm prósent ökumanna óku því of hratt.

Þá ók 41 of hratt á Korpúlfsstaðavegi í Grafarvogi í gær. Á jafnlöngum tíma, eða klukkustund, fóru 108 ökutæki eftir veginum í átt að Bakkastöðum og voru því 38 prósent á of miklum hraða. Sá sem hraðast ók var á 83 kílómetra hraða en þarna er 50 kílómetra hámarkshraði.