Ekkert í skilyrðum sjóðsins sem ekki er hægt að ganga að

24. október 2008 14:36

Þau Geir Haarde forsætisráðherra og Ingibjörg Sólrún Gísladóttir kynntu rétt í þessu ákvörðun ríkisstjórnarinnar um að óska eftir aðstoð frá Alþjóðagjaldeyrissjóðnum. Greint hefur verið frá því að sjóðurinn leggi til tvo milljarða dollara en ekki verður að sinni sagt frá þeim efnahagslegu skilyrðum sem sjóðurinn gerir.

Það er vegna þess að samkomulagið við IMF á eftir að samþykkja hjá stjórn sjóðsins. Geir og Ingibjörg sögðu þó bæði að þau skilyrði sem um ræðir séu engan veginn þess eðlis að ekki sé hægt að ganga að þeim. Ingibjörg sagði ennfremur að þau skilyrði sem farið væri fram á væru aðgerðir af því tagi sem ríkisstjórnin hefði þurft að fara út án tillits til samstarfsins við IMF.

Að sögn Geirs er markmið samstarfsins við IMF að endurvekja traust á íslenska efnahagskerfinu, styrkja stöðu ríkissjóðs og íslenskt bankakerfi. Ingibjörg bætti því við að markmiðið væri að byggja upp samfélag til framtíðar sem getur búið yfir trausti á erlendum vettvangi.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.