Slökkvilið að ganga frá eftir olíuleka

Slökkvilið höfuðborgarsvæðisins hefur lokið við að dæla upp olíu sem fór í sjóinn þegar óhapp varð um borð í flutningaskipinu Medemborg fyrir hádegið.

Jóhann Ásgeirsson innivarðstjóri segir menn nú vinna að frágangi á svæðinu og eigi eftir einn til tvo klukkutíma af þeirri vinnu. Slökkvilið var sent á vettvang klukkan 11:22 í morgun og hefur 15 manna lið unnið að hreinsun á svæðinu síðan eins og Vísir greindi frá fyrr í dag. Má því búast við að aðgerðin taki í allt um átta klukkustundir enda sagði Jóhann frá því að hreinsun olíu úr sjó væri tafsamt verkefni.