Alli ríki jarðsunginn í dag

Útför Aðalsteins Jónssonar útgerðarmanns var gerð frá Eskifjarðarkirkju í dag. Aðalsteinn var jafnan þekktur sem Alli ríki en kistu hans báru úr kirkju nánustu skyldmenni; börn, barnabörn og tengdabörn.

Séra Davíð Baldursson, sóknarprestur á Eskifirði, jarðsöng. Um fimmhundruð manns voru við athöfnina, þeirra á meðal Geir H. Haarde forsætisráðherra, og höfðu menn á orði að þetta væri einhver fjölmennasta útför sem fram hefði farið á Austurlandi en sjónvarpað var frá athöfninni úr þéttsetinni kirkjunni yfir í félagsheimili bæjarins.

Jarðsett var í Eskifjarðarkirkjugarði.