Innlent

Afhentu Gunnari undirskriftalista - Félagsfundur á fimmtudaginn

Frá mótmælastöðu við höfuðstöðvar VR í hádeginu í dag.
Frá mótmælastöðu við höfuðstöðvar VR í hádeginu í dag. MYND/Vilhelm

Kristófer Jónsson, félagi í VR, segir mótmælastöðu við höfuðstöðvar VR í hádeginu í dag hafa heppnast vel og fleiri félagsmenn hafi mætt en fyrir helgi.

Gunnar Páll Pálsson, formaður VR, liggur undir þungu ámæli fyrir að hafa setið í stjórn Kaupþings - sem fulltrúi Lífeyrissjóðs VR - og tekið þátt í því í septemberlok að fella niður persónulegar ábyrgðir starfsmanna sem höfðu keypti hluti í bankanum og tekið til þess lán. Þá hefur komið í ljós að Gunnar Páll fékk 6,2 milljónir króna fyrir að sitja stjórnarfundi hjá gamla Kaupþingi á síðasta ári.

Gunnari Páli var afhentur undirskriftalisti þar sem óskað er eftir félagsfundi. ,,Við þökkuðum Gunnari fyrir formennskuna þar sem hann væri að fara frá. Við sögðum honum að hans tími væri kominn."

Aðspurður hvort Gunnar hafi svarað því sagði Kristófer: ,,Gunnar sagði auðvitað ekki neitt en viðurkenndi að hafa gert mistök með því að þiggja þessi laun í stjórn Kaupþings."

Mótmælastöðu verður fram haldið við höfuðstöðvar VR í Húsi verslunarinnar í hádeginu á næstu dögum. ,,Við ætlum að halda áfram að mótmæla en þeim verður ekki hætt fyrir en Gunnar og stjórnin eru farin frá."

VR hefur boðað til almenns félagsfundar á Grand hóteli á fimmtudaginn klukkan 19:30. Á fundinum mun Gunnar Páll gera grein fyrir störfum sínum í stjórn Kaupþings og í kjölfarið verður opnað fyrir umræður.


Tengdar fréttir

Gunnar Páll: Ekkert athugavert

Gunnar Páll Pálsson formaður VR nýtur trausts meðal trúnaðarmanna félagsins til að sitja áfram sem formaður félagsins. Hann sér ekkert athugavert við að hann sem verkalýðsforingi - með laun sem slaga upp í laun forseta Íslands - berjist gegn ofurlaunum í samfélaginu.

Margir félagsmenn VR ósáttir með formanninn

Félagsmenn í VR eru margir ósáttir við að Gunnar Páll Pálsson, formaður félagsins, hafi tekið þátt í að fella niður ábyrgð starfsmanna Kaupþings vegna hlutabréfa sem þeir áttu í banakanum. Maður sem greitt hefur í félagið í tvo áratugi mætti á skrifstofu VR í dag til að krefjast þess að Gunnar Páll segi af sér.

Gunnar Páll með sex milljónir á ári fyrir stjórnarsetu

Gunnar Páll Pálsson formaður VR þáði 6,2 milljónir króna fyrir að sitja stjórnarfundi hjá gamla Kaupþingi á síðasta ári. Það er litlu minna en þingmenn þjóðarinnar fá í þingfararkaup. Siðfræðistofnun varaði við því fyrir fjórum árum að formaðurinn sæti í stjórn hlutafélags, eins og Kaupþings - það gæti stefnt trúverðugleika hans í hættu.

Segir stöðu formanns VR afar erfiða

Steingrímur J. Sigfússon, formaður Vinstri grænna segir að það sé ekki venja að stjórnmálamenn eða stjórnmálaflokkar séu að blanda sér í innri mál félagasamtaka en augljóst sé að staða Gunnars Páls Pálssonar, formanns VR, sé afar erfið.

Stjórn VR lýsir yfir stuðningi við formanninn

Stefanía Magnúsdóttir varaformaður stjórnar VR segir að boðað hafi verið til stjórnarfundar í tilefni stöðu Gunnars Páls Pálssonar formanns félagsins nú í kvöld. Eins og fram hefur komið í fréttum undanfarið sat Gunnar í stjórn Kaupþings sem tók þá umdeildu ákvörðun að afskrifa skuldir starfsmanna vegna hlutabréfakaupa í bankanum. Stefanía segir stjórnina hafa lýst yfir stuðningi við formanninn á fundinum.

Boða til mótmæla við höfuðstöðvar VR

Hópur félaga í VR hefur boðað til mótmælafundar við höfuðstöðvar félagsins í Húsi verslunarinnar. Hópurinn er óánægður með ákvörðun stjórnar Kaupþings um að fella niður ábyrgðir starfsmanna bankans vegna lána sem tekin voru vegna kaupréttarsamninga. Gunnar Páll Pálsson formaður VR sat í stjórn Kaupþings fyrir hönd Lífeyrissjóðs verslunarmanna og samþykkti hann gjörninginn sem hefur valdið ólgu víða. Stjórn félagsins hefur hins vegar lýst yfir fullum stuðningi við Gunnar Pál.

Mótmæli gegn VR halda áfram

Mótmælastöðu verður fram haldið við höfuðstöðvar VR í Húsi verslunarinnar í hádeginu í dag. Kristófer Jónsson, félagi í VR segist vonast til að sem flestir sjái sér fært að mæta. Til stendur að afhenda undirskriftalista þar sem óskað er eftir félagsfundi í VR en mótmælendurnir eru óánægðir með framgöngu formanns VR og stjórnarinnar í heild sinni.

Mest lesið


Fleiri fréttir

Sjá meira


×

Mest lesið