Hálfs árs fangelsi fyrir að taka lögregluþjón hálstaki

Karlmaður var í Héraðsdómi Reykjavíkur í dag dæmdur í hálfs árs fangelsi fyrir árás á lögregluþjón og fyrir akstur undir áhrifum fíkniefna. Þá var hann einnig sektaður um 140 þúsund krónur.

Maðurinn réðst á lögreglumann og tók hann hálstaki eftir að hann hafði flúið þegar lögreglan hugðist hafa afskipti af honum vegna fíkniefnaakstursins.

Maðurinn játaði brot sín greiðleiga en hann á að baki allmikinn sakaferil. Var hann til að mynda dæmdur í sjö ára fangelsi árið 2003 fyrir alvarleg ofbeldisbrot og brot gegn valdstjórninni. Var tekið tillit til þess við ákvörðun refsingar.