Hálka um allt land

Hálka eða hálkublettir eru um allt land samkvæmt tilkynningu Vegagerðarinnar. Á Hellisheiði og í Þrengslum eru hálkublettir og á Suðurlandi einnig hálka og hálkublettir. Sömu sögu er að segja af öllum helstu leiðum á Vesturlandi eins og Bröttubrekku en snjóþekja og éljagangur er á Holtavörðuheiði. Snjóþekja er víða á Vestfjörðum og Ófært um Eyrarfjall.

Á Norður- og Norðausturlandi er víða snjóþekja, hálka, snjókoma eða éljagangur. Þá er hálka og éljagangur á Öxnadalsheiði. Ófært er um Mývatns- og Möðrudalsöræfi, Vopnafjarðarheiði, Sandvíkurheiði og Hólasand. Stórhríð er frá Raufarhöfn að Bakkafirði.

Á Austurlandi er víða hálka, snjóþekja og skafrenningur. Þungfært er um Oddskarð.

Á Suðausturlandi er hálka eða hálkublettir.

Vegagerðin minnir vegfarendur á að vegna framkvæmda við tvöföldun Reykjanesbrautar er nauðsynlegt að sýna þar aðgát og virða hraðatakmarkanir. Sérstaklega er fólk beðið að fara varlega við framhjáhlaup við Voga, Grindavíkurveg og Njarðvík.