Vantar eitthvað í nærbuxurnar hans Davids Beckham?

Önnur auglýsingin með David Beckham í herferð fyrir Emporio Armani nærföt er komin í birtingu. Stinnir magavöðvarnir eru enn á sínum stað en eitthvað virðist vanta í kolsvartar nærbuxurnar. Í síðustu auglýsingu er fótboltakappinn í svipuðum stellingum, en þá vakti athygli með afbrygðum myndarleg  kúla undir nærbuxunum. Sú virðist hafa gufað upp á nýjustu myndinni.

Fyrri auglýsingin vakti mikla athygli, og var Beckham jafnvel sakaður um að hafa ýkt vöxtinn. Hinir ýmsu fjölmiðlar fengu sérfræðinga í lið með sér til að geta sér til um uppruna kúlunnar góðu, en aðstandendur herferðarinnar sögðu innihald nærbuxnanna hundrað prósent náttúrulegt. Þeir hafa hinsvegar ekki tjáð sig um hvernig hún gat horfið eins fljótt og raun bar vitni.