Barnaníðingurinn Ágúst barinn af hópi manna

Barnaníðingurinn Ágúst Magnússon var á dögunum laminn fyrir utan heimili sitt af hópi manna. Gengið var í skrokk á Ágústi sem slapp þó óbrotinn frá viðureigninni. Hann hefur ekki kært árásina.

Ágúst, sem er einn þekktasti barnaníðingur landsins, er nú á reynslulaun eftir að hafa afplánað þrjú ár af þeim fimm ára fangelsisdómi sem hann fékk fyrir að níðast á sex ungum drengjum . Hann er undir stífu eftirliti og má til að mynda ekki koma nálægt stöðum þar sem börn dvelja. Ágúst dvaldi á Vernd fyrir rúmu ári en þá fletti fréttaskýringaþátturinn Kompás ofan af honum í tilraun hans til að nálgast þrettán ára stúlku á vefsíðunni einkamal.is.