Lindsay dottin í það

Lindsay Lohan er nýkomin úr þriggja mánaða meðferð - annarri tveggja sem hún fór í á síðasta ári - en hún lætur það ekki stöðva sig í að fá sér kampavínstár á gamlárskvöld.

Myndband náðist af leikkonunni á Ítalíu þar sem hún tekur gúlsopa af stút af kampavíni í nýársboði. Lögfræðingur Lohan, Blair Berk, átti að sjálfsögðu erfitt með að neita atvikinu, en sagði við TMZ vefsíðuna að góðu fréttirnar væru þær að Lindsay hefði hætt umsvifalaust eftir sopann, hringt í AA trúnaðarmann sinn og hrokkið aftur í gírinn. „Það er engin töfralausn hérna. Það óheppilega hér er að Lindsay verður að deila sínum 'einum degi í einu' með alþjóð." sagði Berk.