Tveir á slysadeild eftir bílslys

Tveir voru fluttir slysadeild eftir bílslys sem varð á Reykjanesbraut við verslun Garðheima við norðanverða Breiðholtsbraut fyrr í kvöld. Tvær bifreiðar skullu saman. Reykjanesbraut er enn lokuð til norðurs.

Ökumaður sem ók suður Reykjanesbraut missti stjórn á bifreið sinnig og lenti á bifreið sem kom úr gagnstæðri átt. Ökumennirnir voru einir í bílunum.

Ekki fæst upp gefið hvort ökumennirnir séu alvarlega slasaðir.Beita þurfti tækjabíl slökkviliðsins og klippum til að ná öðrum ökumanninum út úr bifreið sinni.