Minntust uppgjafar nasista í síðari heimsstyrjöldinni

Í dag er þess víða minnst að sextíu og þrjú ár eru liðin frá því að herir nasista gáfust upp fyrir bandamönnum í heimsstyrjöldinni síðari. Minningarathöfn var við minnismerki Rússa í Fossvogskirkjugarði í morgun.

Uppgjafar Þjóðverja er jafnan minnst í Rússlandi og öðrum ríkjum Austur-Evrópu 9. maí en þjóðir Vestur-Evrópu miða almennt við 8. maí. Það var hins vegar bæði 7. og 8. maí 1948 sem bandamenn tóku formlega við skilyrðislausri uppgjöf vopnaðra herja þýskra nasista en þar með var bundinn endi á Þriðja ríki Adolfs Hitler.

Það var rigningarsuddi í Fossvogskirkjugarði í morgun þegar athöfin hófst en það hafi ekki áhrif á viðstadd, góður andi var í garðinum. Viktor Tatarintsev, sendiherra Rússlands á Íslandi, lagði blómsveig að minnismerkinu Vonin. Merkið er til minningar um fallna þátttakendur í siglingum skipalesta yfir Atlantshafið. Heiðursgestur var Pétur Ólafsson, sem tók þátt í siglingunum.

Timur Solotsik, príor rússnesku rétttrúnaðarkirkjunnar, messaði síðan í lok athafnarinnar.