Hjónaband í Frakklandi ógilt þar sem konan var ekki hrein mey

Miklar og heitar umræður fara nú fram í Frakklandi í kjölfar þess að dómstóll í landinu ógilti brúðkaup pars sem er múslimar. Eiginmaðurinn fór fram á ógildinguna þar sem konan var ekki hrein mey þegar þau giftust.

Parið hefur hafnað beiðni frá dómsmálaráðherra Frakklands um að áfrýja þessum dómi til hæstaréttar landsins. Lögmaður konunnar, sem býr í borginni Lille, segir að hún sætti sig við niðurstöðu dómstólsins og vilji bara halda lífi sínu áfram.

Samkvæmt úrskurði dómarans var það skilyrði fyrir brúðkaupinu að konan væri hrein mey og hefði hún blekkt eiginmanninn til að halda að svo væri.

Kvennráðherrar í stjórn Sarkozy og femínistar í Frakklandi eru æfir vegna þessa máls og segja þetta mikið högg gegn frelsi kvenna sem eru múslimar. Þeir varpa fram spurningunni hvort dómstólinn hafi úrskurðað á sama veg ef parið hefði ekki verið múslimar.

Og margir telja að lög og gildi fransk samfélags séu í of miklum mæli farin að víkja fyrir lögum og gildum múslima.