Segir Stefán ekki hafa getað sótt um nema fyrir Samfylkinguna

Össur Skarphéðinsson iðnaðarráðherra heldur áfram að tala um umsókn Stefáns Pálssonar á bloggsíðu sinni. Hann segir Stefán aldrei hafa getað sótt um stöðuna nema af því að Samfylkingin er komin í ríkisstjórn.

„Staðan hefði einfaldlega aldrei verið auglýst nema af því sá góði flokkur allra hrjáðra og smáðra fer með utanríkismálin. Þannig er það Ingibjörgu Sólrúnu og jafnaðarstefnunni að þakka að Stefán Pálsson getur yfirhöfuð velt fyrir sér hvað í því fælist að eyða afganginum af vonandi langri starfsævi í að samræma varnir okkar við störf Atlantshafsbandalagsins," skrifar Össur.