Obama með fleiri ofurkjörmenn

Barack Obama hefur nú tryggt sér fleiri ofurkjörmenn en Hillary Clinton í forvali Demókrata fyrir forsetakosningarnar í Bandaríkjunum. Þetta er í fyrsta sinn í allri kosningabaráttunni sem Obama hefur forskot í fjölda ofurkjörmannna, en hann hefur umtalsvert forskot í fjölda kjörinna þingmanna.

Stórsigur Obama í forvalinu í Norður Karólínu síðustu helgi hafa gefið honum byr undir báða vængi og telja flestir stjórnmálaskýrendur að möguleikar Clinton séu nánast úr sögunni. Sífellt fleiri áhrifamenn innan flokksins hafa skorað á Clinton að draga framboð sitt til baka þar sem þeir óttast að löng kosningabaráttta skaði flokkinn fyrir sjálfar forsetakosningarnar en Clinton hefur enn tröllatrú á að hún geti sannfært ofurkjörmennina að hún sé líklegri en Obama til að sigra Repúblíkanann John McCain.