Segir sorglegt hvernig komið er fyrir Reykjavíkurborg

Kjörtímabilið eftir síðustu sveitastjórnarkosningar er orðið að einhverskonar farsa. Þetta segir Eiríkur Jónsson formaður Kennarasambands Íslands, aðspurður um það hvað honum finnist um umræðuna um launamál Jakobs Frímanns Magnússonar. Jakob hefur yfirvinnulaun á við nýútskrifaðan grunnskólakennara. Eiríkur segist ekki vilja tjá sig um launamál einstaklinga, en segir umræðuna vera hluta af þeim farsa sem hafi verið í gangi hjá borginni. Eiríkur segir það sorglegt hvernig komið sé fyrir stærsta sveitarfélagi landsins.