Siðareglur borgarfulltrúa kláraðar fyrir 1. desember

Magnús Þór Gylfason, aðstoðarmaður borgarstjóra, verður formaður starfshóps sem ætlað er að ljúka gerð siðareglna fyrir kjörna fulltrúa á vegum Reykjavíkurborgar. Auks hans sitja þau Gísli Marteinn Baldursson, Þorbjörg Helga Vigfúsdóttir, Dagur B. Eggertsson og Svandís Svavarsdóttir í hópnum.

Fram kemur í tilkynningu borgarinnar að samstaða hafi ríkt um að setja slíkar reglur en málið hafi dagað uppi í borgarkerfinu síðustu misseri. Þó liggja fyrir ýmis undirbúningsgögn og drög að siðareglum. Lögð er áhersla á að vinna starfshópsins taki mið af fyrirliggjandi gögnum og samráði við Samband íslenskra sveitarfélaga, Siðfræðistofnun Íslands og fleiri aðila. Starfshópurinn á að skila af sér fyrir 1. desember næstkomandi.