Makríll veiðist sem aldrei fyrr

Makrílafli íslensku síldveiðiskipanna er kominn í um það bil hundrað þúsund tonn í sumar, en var 36 þúsund tonn í fyrra, sem var metafli til þess tíma.

Makrílaflinn slagar hátt upp í aflann úr norsk-íslenska síldarstofninum, sem er orðinn 130 þúsund tonn, en þar til nú hefur verið litið á makrilinn sem meðafla með síldinni, og þá aðeins brot af síldaraflanum. Þetta er mikil búbót fyrir þjóðarbúið því verðmæti makrílafurða slaga nú hátt í fimm milljarða króna. Hann hefur einkum verið bræddur í mjöl og lýsi, en er nú í vaxandi mæli frystur um borð í skipunum til manneldis.