Innlent

Þrír í farbann vegna rannsóknar Frakkastígsmáls

MYND/Stöð 2

Héraðsdómur Reykjavíkur úrskurðaði í dag þrjá pólska ríkisborgara í farbann í farbann til vegna rannsóknar á láti landa þeirra sem bjó að Frakkastíg.

Einn þeirra sem úrskurðaður var í farbann hefur setið í gæsluvarðhaldi vegna málsins í tíu daga en hann var nágranni hins látna að Frakkastíg 8. Lögregla vildi með farbannskröfunni yfir hinum tveimur tryggja það að þeir yrðu á landinu á meðan málið er rannsakað.

Eins og fram hefur komið á Vísi fyrr í dag lést þrítugur pólskur karlmaður síðastliðinn föstudag á Landspítalanum eftir að hann hafði verið fluttur þangað með höfuðáverka. Hann mun hafa fallið í götuna fyrir utan Frakkastíg 8 mánudagskvöldið 9. júní og herma heimildir Vísis að fallið hafi verið hátt, nokkrir metrar. Rannsókn lögreglu beinist að því hvernig þetta bar að en málið er rannsakað sem mögulegt manndráp.

Mest lesið


Fleiri fréttir

Sjá meira


×

Mest lesið