Steingrímur: Innrás bankanna var mislukkuð

Steingrímur J. Sigfússon, formaður Vinstri grænna, segir ákvörðun ríkisstjórnarinnar um aðgerðir vegna erfiðrar stöðu á fasteigna- og fjármálamarkaði sýna að innrás bankanna á fasteignamarkaðinn var mislukkuð.

,,Það hlýtur að vera bönkunum þungbær niðurstaða að þurfa að leita á náðir Íbúðalánasjóðs sem þeir ætluðu að ganga á milli bols á höfuðs á. Þeir láta kannski vera að ónotast út í hann í bili. Þetta sýnir að við sem vildum standa vörð um Íbúðalánasjóð höfðum rétt fyrir okkur," segir Steingrímur.

Steingrímur segir áhugavert að sjá hvaða áhrif ákvörðunin mun hafa. Honum sýnist sem ákveðið lífsmark sé með ríkisstjórninni og því fagnar hann. Að sama skapi segir hann ákvörðunina ,,vera eins og margt annað sem kemur frá ríkisstjórninni vera lítið og koma seint."