Bíll gerður upptækur vegna ítrekaðs fíkniefnaaksturs

Héraðsdómur Reykjavíkur hefur í fyrsta skipti gert bíl upptækan hjá manni vegna ítrekra umferðarlagabrota.

Maðurinn var níu sinnum tekinn af lögreglu frá febrúar til október, í öll skiptin án ökuleyfis en í fimm skipti var hann undir áhrifum áfengis eða fíkniefna, síðast 2. október.

Maðurinn var dæmdur í sex mánaða óskilorðsbundið fangelsi og hann sviptur ökuréttindum ævilangt. Með vísan í umferðarlög fór lögreglan í fyrsta sinn fram á að bíll mannsins yrði gerður upptækur og var fallist á það. Bifreiðin var af gerðinni BMW, árgerð 1992.