Norska fyrirtækið REC Group er hætt við að reisa sólarkísilverksmiðju í Þorlákshöfn, eins og til stóð, og ætlar í stað þess að reisa hana í Kanada.
Rætt hafði verið um að fyrirtækið fengi rösklega hundrað hektara lóð í Þorlákshöfn og starfsmenn yrðu um 300. Í viðtali við Fréttablaðið segir Ólafur Áki Ragnarsson bæjarstjóri að þetta sé áfall, en getur sér til að að orkuumræðan og andstaðan við Bitruvirkjun og orkuframleiðslu á Hellisheiði, kunni að hafa haft áhrif á þessa ákvörðun fyrirtækisins.
