Árekstur vörubifreiðar og fólksbifreiðar

Umferðarslys varð fyrir stundu á gatnarmótum Sæbrautar við Skeiðarvog og Kleppsmýrarveg í grennd við verslun Húsasmiðjunar í Skútavogi þegar vörubifreið og fólksbifreið lentu saman.

Samkvæmt upplýsingum hjá slökkviliði höfuðborgarsvæðisins er áreksturinn ekki talinn alvarlegur en tjón er þó umtalsvert og fólksbifreiðin talsvert skemmd. Tveir voru í fólksbifreiðinni og mun ökumaðurinn hafa orðið fyrir meiðslum.

Brak úr bifreiðunum dreifðist um stórt svæði í kringum slysstað.