Icelandair hefur sagt upp þriðjungi flugmanna á árinu

Með uppsögn átta flugmanna Icelandair nýverið til viðbótar við uppsagnir á 80 flugmönnum í júní, lætur nærri að félagið hafi sagt upp um það bil þriðjungi flugmanna sinna í ár.

Flugmenn, sem fréttastofan hefur rætt við, segja að atrvinnuhorfur þeirra annarsstaðar séu lakari en undanfarin ár vegna samdráttar í flugi víðasthvar í heiminum. Hann má fyrst og fremst rekja til olíuverðshækkana, sem bitnað hefur á áætlunarflugi, vöruflugi og leiguflugi. Alls hefur Icelandair sagt upp 300 starfsmönnum það sem af er árinu.