Öllum er sama um nýfædda soninn

Nýjasta tölublað People magazine með Christinu Aguilera og nýfæddum syni hennar, Max, virðist ætla að floppa. Búist er við að einungis 1,3 milljón eintaka verði seld af blaðinu.

Meðal sala blaðsins er 1,4 milljón eintaka. Blaðið borgaði 2 milljónir dollara fyrir myndir af barninu en fólk virðist ekkert spennt yfir myndunum.

„Þau hafa líklega keypt myndirnar bara til þess að enginn annar fengi þær. Blaðið vill sýna heiminum að það er númer eitt þegar kemur að brúðkaups- og barnamyndum," lét innanbúðarmaður blaðsins hafa eftir sér.

Það verður gaman að sjá hversu áhrifamiklar myndir af nýfæddum syni Nicole Ritchie gera, en hún fékk einungis eina milljón dollara greiddar fyrir þær.