Fundu um 200 grömm af fíkniefnum

Tæplega 200 grömm af fíkniefnum fundust við húsleit á höfuðborgarsvæðinu í fyrrakvöld. Talið er að megnið sé kókaín, en einnig nokkuð af amfetamíni. Karl á fimmtugsaldri var handtekinn vegna málsins. Lögreglan segir að fyrrnefnd húsleit hafi verið liður í að hamla gegn sölu og dreifingu fíkniefna.

Lögreglan minnir á fíkniefnasímann 800-5005, en þangað má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda.