1700 á biðlista vegna frístundaheimila

Rúmlega 1700 grunnskólabörn í Reykjavík eru á biðlista eftir plássi á frístundaheimilum borgarinnar sem tóku til til starfa í vikunni um leið og skólahald hófst. Þetta kom fram á stjórnarfundi Íþrótta- og tómstundaráðs Reykjavík í dag.

Alls bárust 2809 umsóknir um vistun fyrir 6 til 9 ára börn á frístundaheimili í ár en 2744 umsóknir bárust í fyrra.

Í seinustu viku var greint frá því að um 200 starfsmenn vantaði svo hægt væri að manna frístundaheimilinn. Kjartan Magnússon, borgarfulltrúi Sjálfstæðisflokksins og formaður ÍTR, sagðist þá í samtali Vísi vera vongóður á framhaldið. Hann sagði meirihluta þeirra sem vinna í frístundaheimilum vera háskóla- og framhaldsskólanemar sem þessa dagana væru að bíða eftir stundarskrám.