Lögreglan á Blönduósi fann fíkniefni

Lögreglan á Blönduósi gerði húsleit í dag, að undangengnum úrskurði Héraðsdóms Norðurlands vestra. Ástæða húsleitarinnar var grunur um vörslu, neyslu og dreifingu fíkniefna á svæðinu.

 

Við húsleitina naut lögreglan á Blönduósi aðstoðar fíkniefnalögreglumanna frá lögreglunni á Akureyri , en nú nýverið skrifuðu lögreglustjórarnir á Norðurlandi undir samstarfssamning um fíkniefnarannsóknir. Samvinna þessara lögreglumanna í dag er til komin vegna þess samnings. Við leitina voru notaðir fíkniefnaleitarhundar lögreglunnar á Blönduósi sem og á Akureyri.

 

Nokkur grömm af ætluðum kannabisefnum fundust við húsleitina. Við yfirheyrslur viðurkenndu mennirnir að eiga fíkniefnin og neyslu þeirra. Mennirnir voru látnir lausir eftir yfirheyrslur.