Óttast að maður hafi höfuðkúpubrotnað

Óttast er að maður hafi höfuðkúpubrotnað í átökum fyrir framan skemmtistað í Vestmannaeyjum í nótt. Hann var fluttur með sjúkraflugi suður til Reykjavíkur og var hann með augljósan skurð á hnakka og augabrúnum samkvæmt heimildum lögreglunnar. Þær upplýsingar fengust hjá vakthafandi lækni á slysadeild að líðan mannsins væri eftir atvikum.

Að öðru leyti var helgin róleg i Vestmannaeyjum, enda eru Eyjamenn að undirbúa sig undir sjóstangaveiðikeppni og golfmót sem þar fara fram um helgina.