Innlent

Frumvarp um bann við nektardansi liggur fyrir í þinginu

Jón Hákon Halldórsson skrifar
Kolbrún Halldórsdóttir hefur þegar lagt fram frumvarp í þinginu til að banna nektardans.
Kolbrún Halldórsdóttir hefur þegar lagt fram frumvarp í þinginu til að banna nektardans.

Kolbrún Halldórsdóttir, þingmaður Vinstri grænna lagði fram frumvarp í byrjun árs, þess efnis að nektarsýningar í atvinnuskyni yrðu með öllu óheimilar. Í samtali við Vísi sagðist Kolbrún furða sig á því að varaformaður allsherjarnefndar segði að slíkt mál hlyti að koma til umræðu annað hvort á vettvangi allsherjarnefndar eða þingsins. Málið sé þegar komið á borð þingsins.

Kolbrún segir að í lögum um veitingastaði gististaði og skemmtanahald sé skýrt kveðið á um að á veitingastöðum sé óheimilt að bjóða upp á nektarsýningar. Hins vegar sé undanþáguákvæði þar sem nektardans í atvinnuskyni á veitingastað er heimilaður, að fengnum jákvæðum umsögnum umsagnaraðila.

Kolbrún segir að frumvarp hennar feli í sér að þetta undanþáguákvæði falli brott og vonast til þess að frumvarp hennar verði samþykkt í þinginu í september.










Tengdar fréttir

Borgarráð vill lög til að banna nektardans

Borgarráð samþykkti sameiginlega tillögu á fundi sínum í dag þar sem skorað er á Alþingi að gera þær breytingar sem þarf á lagaumhverfinu til að koma megi í veg fyrir starfsemi veitingastaða sem bjóða upp á nektardans.

Varaformaður allsherjarnefndar vill lög gegn nektardansstöðum

Það kemur fyllilega til greina að Alþingi setji lög til að koma í veg fyrir að nektardans sé stundaður hér á landi, að mati Ágústar Ólafs Ágústssonar, varaformanns allsherjarnefndar Alþingis. Borgarráð skoraði á Alþingi í morgun að setja slík lög.

Mest lesið


Fleiri fréttir

Sjá meira


×

Mest lesið