Hefðbundinn erill hjá lögreglu

Þrír gistu fangageymslur lögreglunnar á höfuðborgarsvæðinu í nótt, þar af einn sem grunaður er um akstur undir áhrifum fíkniefna. Að sögn varðstjóra var nokkur erill í bænum og töluverð ölvun.

Lögreglan á Suðurnesjum hafði afskipti af einum ökumanni sem grunaður er um ölvunarakstur og einum sem grunaður er um fíkniefnaakstur. Á hátíðinni Sandgerðisdögum var einn handtekinn fyrir ölvun og annar fyrir að hlýða ekki fyrirmælum lögreglu, sá síðarnefndi á enn fremur von á kæru fyrir árás á opinberan starfsmann en hann veittist að lögreglu við handtökuna. Skammt frá Selfossi missti ökumaður stjórn á bifreið sinni upp úr klukkan hálftvö í nótt þegar hann ók út á vegöxl.