Hillary Clinton ætlar loksins að gefast upp

Hillary Clinton ætlar loksins að gefast upp og mun hún lýsa yfir ósigri sínum í forkosningum Demókrata á laugardag.

Samhliða mun hún lýsa yfir stuðningi við Barak Obama og hvetja alla demókrata til að standa að baki honum í komandi baráttu um forsetaembætti Bandaríkjanna.

Það hefur vakið mikla athygli að Hillary skildi ekki strax á þriðjudag lýsa yfir ósigri sínum og segja heimildir í bandarískum fjölmiðlum að það hafi ekki verið fyrr en eftir mikinn þrýsting frá samherjum sínum að hún féllst loks á að játa sig sigraða.