Utanríkisráðherra Spánar í Iðnó

Miguel Angel Moratinos, utanríkisráðherra Spánar, er í opinberi heimsókn hér á landi þessa dagana og efnir Samfylkingin til opins fundar með honum í dag klukkan 15 í Iðnó.

Moratinos mun ávarpa fundinn og síðan munu hann og Ingibjörg Sólrún Gísladóttir, utanríkisráðherra, sitja fyrir svörum um alþjóðamál.

Moratinos hefur verið utanríkisráðherra Spánar í rúm 4 ár en flokkur hans, Sósíalíski verkamannaflokkurinn, vann kosningasigur í þingkosningum á Spáni árið 2004. Í þingkosningum í mars síðastliðnum fékk flokkurinn tæplega 44% atkvæða og bætti við sig fimm sætum á spænska þinginu.